Кожная пятніца – роднае, сваё

Выдатны скрыпач-віртуоз, кампазітар і музычны публіцыст Міхаіл Карлавіч Ельскі па праве лічыцца адной з ключавых фігур у гісторыі музычнага мастацтва Беларусі. У 2026 годзе, 8 кастрычніка, культурная грамадскасць адзначае 187-годдзе з дня нараджэння гэтага выдатнага дзеяча.
На працягу больш чым паўвекавой творчай дзейнасці музыкант стварыў каля ста твораў, сярод якіх два скрыпічныя канцэрты, фантазія «Вясна», канцэртныя мазуркі, розныя фартэпіянныя і скрыпічныя мініяцюры. Яго сачыненні адрозніваюцца віртуознасцю, арганічна спалучаюць класічныя і рамантычныя традыцыі, глыбока абапіраючыся на беларускі народны мелас.
Ельскі таксама вядомы як таленавіты фалькларыст, чые працы маюць вялікую каштоўнасць для вывучэння беларускага народнага інструментальнага выканальніцтва. Так, у яго рукапісным зборніку «Народныя танцы Мінскай губерні» захаваліся ўнікальныя запісы мелодый традыцыйных мясцовых танцаў.
Шматграннасць таленту Міхаіла Карлавіча выявілася і ў навукова-даследчай працы: ён аўтар каля дзесяці тысяч гісторыка-краязнаўчых артыкулаў, шэрагу кніг і ўнікальнага выдання «Слоўніка жабрацкай гаворкі на Белай Русі».
Сёння творы М.К.Ельскага перавыдаюцца, некаторыя з іх уваходзяць у рэпертуар сучасных музыкантаў, гучаць у выкананні Нацыянальнага акадэмічнага канцэртнага аркестра Рэспублікі Беларусь. Данінай павагі кампазітару стаў Міжнародны конкурс выканаўцаў на струнных смычковых інструментах, які носіць яго імя.
Любіце беларускае! Няхай айчынная музыка гучыць у нашых песнях і сэрцах!