Кожная пятніца – роднае, сваё

16 чэрвеня 2026 года мы ўшаноўваем Вячаслава Уладзіміравіча Кузняцова. Заслужаны дзеяч мастацтваў Рэспублікі Беларусь, лаўрэат Дзяржаўнай прэміі Рэспублікі Беларусь, узнагароджаны медалём Францыска Скарыны, прафесар Беларускай дзяржаўнай акадэміі музыкі і член Саюза кампазітараў Беларусі, ён арганічна аб’ядноўвае ў сваёй творчасці традыцыі беларускай музычнай культуры і сучасныя кампазіцыйныя тэхнікі.
Творчыя інтарэсы кампазітара адрозніваюцца выключнай шырынёй. З’яўляючыся выпускніком класа Я.А.Глебава, В.У.Кузняцоў, падобна свайму настаўніку, паспяхова рэалізаваў сябе ў самых розных жанрах: оперы і балеце, араторыі і кантаце, сімфоніі і камерна-інструментальнай музыцы, вакальных і харавых складаннях. У сваіх творах ён умела выкарыстоўвае інтанацыі і рытмы беларускага фальклору, гарманічна ўплятаючы іх у сучасную музычную прастору.
Балеты «Макбет», «Вітаўт» і «Анастасія» пастаўлены на сцэне Нацыянальнага акадэмічнага Вялікага тэатра оперы і балета Рэспублікі Беларусь. Сімфоніі, камерна-інструментальныя творы неаднаразова гучалі са сцэны Беларускай дзяржаўнай філармоніі. Сачыненні В.У.Кузняцова годна прадстаўлялі беларускую культуру за мяжой на найбуйнейшых еўрапейскіх фестывалях сучаснай музыкі ў розных краінах свету.
Кампазітар паспяхова сумяшчае актыўную творчую дзейнасць і педагагічную дзейнасць. Сярод навучэнцаў яго класа ёсць дырыжоры (А.Лясун, В.Ларын, В.Аводак, Я.Асновіч, В.Чарнікаў), дырэктары і педагогі музычных школ, кіраўнікі дзіцячых калектываў, кампазітары.
Любіце беларускае! Няхай айчынная музыка гучыць у нашых песнях і сэрцах!